Pa spravie ab bojkach z AMAPam u Minsku prachodzić 17 čałaviek
Pa spravie ab parušeńni hramadskaha paradku ŭ Minsku 14 lipienia prachodzić 17 padazravanych, paviedamlaje pres-słužba Śledčaha kamiteta.
U dačynieńni da padazravanych raspačaty kryminalnyja spravy pa art. 342 (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich), art. 363 (Supraciŭleńnie supracoŭniku orhanaŭ unutranych spraŭ) i art. 364 (Hvałt u dačynieńni da supracoŭnika orhanaŭ unutranych spraŭ) KK.
Kryminalnyja spravy znachodziacca ŭ adnoj vytvorčaści.
U vyniku padazravanymi pryznanyja 17 hramadzian. Pry hetym vyjaŭlena, što 12 ź ich užyvali ŭ toj dzień hvałt u dačynieńni da supracoŭnikaŭ AMAP.
Nahadajem, 14 lipienia ŭ Minsku zatrymali bolš za 300 čałaviek. Pratesty byli vyklikanyja nierehistracyjaj alternatyŭnych kandydataŭ.
