Łukašenka: Ja b vajavaŭ za Krym! Tam by tysiačy čałaviek lahli!
gordonua.com
Siońnia viečaram na ŭkrainskim YouTube-kanale «U haściach u Hardona» vyjdzie intervju z Alaksandram Łukašenkam.
Intervju z Łukašenkam zapisali napiaredadni, 5 žniŭnia, u Minsku. Jano praciahvałasia bolš za dźvie z pałovaj hadziny. Tranślacyja intervju pačniecca ŭ 18.00.
Padčas intervju Łukašenka zakranuŭ adnosiny pamiž aficyjnym Minskam i Kijevam, raskazaŭ pra Zialenskaha i Pucina, pra niadaŭna zatrymanych pad Minskam rasijskich bajevikoŭ, pra budučyja prezidenckija vybary i pra debaty sa Śviatłanaj Cichanoŭskaj.
Hałoŭny redaktar vydańnia «Hardon» Alesia Bacman, jakaja prysutničała ŭ Minsku na zapisie intervju, vykłała ŭ fejsbuku niekalki zajavaŭ Łukašenki:
— «Nikoli Pucin nie budzie prezidentam Rasii da 2036 hoda!»
— «Maje karani pamiž Kijevam i Čarnihavam zakapanyja».
— «Ja Janukoviču ŭsio daravaŭ. My ź im niekalki razoŭ stelefanoŭvalisia, asabliva, kali ŭ jaho syn zahinuŭ».
— «Ja b vajavaŭ za Krym! Tam by tysiačy čałaviek lahli!»
— «U mianie niama hrošaj, kab biehčy ŭ Maskvu i tam žyć, jak Janukovič».
— «Nikoli z terytoryi Biełarusi nie pryjduć va Ukrainu rasijanie».
— «Siarhiej, vam nie zdajecca, što vy zanadta daloka zajšli z Ukrainaj?» — «Zdajecca», — adkazaŭ mnie [ministr abarony RF] Šajhu».
— «Karanavirus mnie padkinuli. My ciapier heta rasśledujem».
— «Mianie mohuć i zastrelić. Ale nikudy nie pabiahu».
Intervju Hardona z Łukašenkam pierarvałasia na telefonnuju razmovu ź Zialenskim. Paśla hutarki z ukrainskim lidaram Łukašenka pažartavaŭ: «Ja jamu [Zialenskamu] skazaŭ, što Hardon — ahidny čałaviek, drenny čałaviek. Jon kaža: «Alaksandr Ryhoravič, jon, viadoma, drenny čałaviek, ale nie zusim». Pieradavaŭ pryvitańnie».
