Łukašenka: Idzie hibrydnaja vajna suprać Biełarusi, i my pavinny čakać paskudstvaŭ ź luboha boku
Dziaržava nie dapuścić destabilizacyi situacyi ŭ krainie padčas vybaraŭ. Pra heta Alaksandr Łukašenka zajaviŭ siońnia na naradzie pa biaśpiecy vybarčaj kampanii, piša BIEŁTA.
Kiraŭnik dziaržavy źviarnuŭ uvahu kiraŭnictva MUS: pravaachoŭnyja orhany dla niedapuščeńnia destabilizacyi stanovišča ŭ krainie i vyjaŭleńnia padazronych asob pavinny aktyŭna ŭzajemadziejničać z nasielnictvam.
Jon zaŭvažyŭ, što mnohich pravakataraŭ udałosia zatrymać tolki dziakujučy pilnaści hramadzian.
«Ščyra pryznajusia, i, napeŭna, vy mnie novaha nie skažacie: my nie viedajem, na što jany zdolnyja. My navat nie viedajem, chto jany. Ci heta amierykancy z nataŭcami, ci z Ukrainy nas chtości padciskaje, ci nas uschodnija braty tak mocna «lubiać» — my navat nie viedajem.
Idzie hibrydnaja vajna suprać Biełarusi, i my pavinny čakać paskudstvaŭ ź luboha boku. Što my, darečy, i robim», — padkreśliŭ Alaksandr Łukašenka.
