Dziaržaŭny telekanał pakazaŭ čałavieka, jaki pieravoziŭ vahnieraŭcaŭ u Minsk
U zatrymanych u Biełarusi rasijan uźnikli ciažkaści pry pierasiačeńni miažy. Pra heta ŭ efiry biełaruskaha kanała STB zajaviŭ Hienadź Kumpan, jaki pieravoziŭ ich u Minsk, piša RBK.
Pa słovach mužčyny, u siaredzinie lipienia jamu pastupiła zamova ad rasijskaha boku na pieravozku hrupy z 33 čałaviek z Maskvy ŭ aeraport Minska. Kumpan adznačyŭ, što z-za pandemii praca vykonvajecca ŭ dva etapy:
da miažy ludziej davozić rasijski kontrahient, dalej ich zabiraje biełaruski pieravozčyk i advozić u punkt pryznačeńnia.
«A 19-j, pa damoŭlenaści, 24 lipienia ja pryjechaŭ zabrać hetuju hrupu, ale hrupu nie prapuściŭ rasijski bok», — zajaviŭ jon. Mužčyna śćviardžaje, što pytańni ŭ pamiežnikaŭ vyklikali dakumienty, jakija nie davali padstavy dla pierasiačeńnia miažy. Pa słovach Kumpana, pytańnie vyrašałasia praktyčna da apoŭnačy, «zatym, jak akazałasia, niechta patelefanavaŭ, i ich prapuścili».
Paśla hetaha rasijanie pierasieli ŭ transpart biełaruskaha pieravozčyka i pajechali ŭ aeraport. Jak raspavioŭ Kumpan, za hadzinu da prybyćcia punkt pryznačeńnia źmianiŭsia. «Treba było jechać u haścinicu IBB», — zajaviŭ jon.
U siužecie telekanała taksama pakazali namieśnicu načalnika adździeła pa absłuhoŭvańni pasažyraŭ słužby servisu avijakampanij aeraporta Minska Śviatłanu Samsikievič. Pavodle jaje słoŭ, na rejs u Stambuł na 25 lipienia byli zarehistravanyja 130 čałaviek (mienavita ŭ hety dzień rasijanie źbiralisia vylacieć u Turcyju, raspaviadaŭ raniej pasoł Rasii ŭ Minsku Dźmitryj Mieziencaŭ), adnak 33 pasažyry nie źjavilisia na bort samalota.
