Babaryka pra Cichanoŭskaha: Homiel naradziŭ zmahara
Pra heta patencyjny kandydat u prezidenty Viktar Babaryka zajaviŭ učora na sustrečy z členami svajoj inicyjatyŭnaj hrupy ŭ Homieli, piša Radyjo Svaboda.
«Ja baču, što tut farmujecca hramadzianskaja supolnaść. Homiel naradziŭ stvaralnika vałanciorskaj inicyjatyvy dapamohi daktaram ByCovid19 Andreja Stryžaka. I zmahara Siarhieja Cichanoŭskaha», — adznačyŭ jon.
Jon nazvaŭ toje, što adbyvajecca ź Cichanoŭskim «ni razu nie zakonnym»
Viktar Babaryka nahadaŭ, što niadaŭna jaho štab apublikavaŭ dekłaracyju ab sumlennych vybarach i vykazaŭ hatoŭnaść akazvać paciarpiełym jurydyčnuju dapamohu, ale z kamandy Cichanoŭskaha pakul što nichto nie źviartaŭsia.
Prysutny na sustrečy inšy homielski błohier Arciom Šaporaŭ adkazaŭ na heta, što ŭsia kamanda Cichanoŭskaha aryštavanaja.
Taksama vykazaŭsia Viktar Babaryka i adnosna tak zvanaj sajuznaj dziaržavy Rasii i Biełarusi.
«Jana budujecca 20 hadoŭ — niezrazumieła, što možna rabić 20 hadoŭ? Moža, treba na heta pa-inšamu pahladzieć? Ja ŭvohule za hłabalizacyju — ščyra i sumlenna», — zajaviŭ jon, udakładniŭšy, što da intehracyi stavicca stanoŭča, kali nie zakranajecca suverenitet i kali jana budujecca na ŭzajemavyhadnych umovach.
«Biełaruś pakul ciesna źviazanaja z Rasiejaj. Ja kažu — pakul. Za 10 hadoŭ my vidavočna nie abydziemsia biez asnoŭnaha syravinnaha pastaŭščyka i rynku zbytu. Ale kali navučymsia zachoŭvać elektraenierhiju, rezka skarocim spažyvańnie nafty, hazu… Sučasnyja technałohii dazvalajuć pazbavicca ad zaležnaści», — ličyć Viktar Babaryka.