Litva nazvała krainy, hramadzianam jakich nie treba samaizalacyja. Jość dźvie ŭmovy
Delfi
Z 1 červienia Litva adkryvaje svaje miežy dla hramadzian inšych krain, niekatorym pryjezdžym nie daviadziecca pravodzić u izalacyi 14 dzion. Kožny paniadziełak Minzdaroŭja Litvy budzie abjaŭlać śpisy takich krain, a taksama krain, pryjechaŭšy adkul daviadziecca pravieści 14 dzion u izalacyi, piša Delfi.
Kab nie pravodzić čas u samaizalacyi, treba, kab za apošnija 14 dzion u hetaj krainie było zafiksavana mienš za 15 vypadkaŭ karanavirusa na 100 tysiač čałaviek.
Kali ŭ krainie za apošnija 14 dzion na 100 000 žycharoŭ było zafiksavana 15-25 vypadkaŭ karanavirusa, to jaje žychary mohuć pryjechać u Litvu, ale im pryjdziecca pravieści ŭ izalacyi 14 dzion.
Taksama hramadzianam Litvy možna viartacca ź luboj krainy, ale im daviadziecca pravieści ŭ izalacyi 14 dzion, kali ŭ krainie, ź jakoj jany pryjechali, kolkaść vypadkaŭ zachvorvańnia ŭ apošnija 14 dzion było bolš za 15 na 100 000 žycharoŭ.
Takim čynam samaizalacyja nie patrebna pa pryjeździe ź Luksiemburha, Niderłandaŭ, Italii, Danii, Polščy, Rumynii, Francyi, Finlandyi, Hiermanii, Čechii, Estonii, Aŭstryi, Bałharyi, Łatvii, Vienhryi, Narviehii, Šviejcaryi, z Kipra, z Hrecyi, Isłandyi, Słavakii, Charvatyi, Słavienii i Lichtenštejna.
Z umovaj samaizalacyi možna pryjechać z Malty, ź Irłandyi i Ispanii.
Za apošnija 14 dzion u Biełarusi fiksujecca ŭ siarednim pa 135 vypadkaŭ na 100 tysiač nasielnictva.
U Litvie ŭčora było vyjaŭlena 5 vypadkaŭ karanavirusa, u Łatvii i Estonii pa adnym. U Polščy, praŭda, 215, a ŭ Biełarusi 847. Ale nasielnictva Biełarusi u čatyry razy mienšaje, čym u Polščy.
