Łukašenka — kiraŭniku KDB: My viedajem, adkul viatry dźmuć na biełaruskuju ziamlu
Pra heta Alaksandr Łukašenka zajaviŭ siońnia na sustrečy sa staršynioj Kamiteta dziaržaŭnaj biaśpieki Valeryjem Vakulčykam, pieradaje BIEŁTA.
«My viedajem, adkul viatry dźmuć na našu biełaruskuju ziamlu. Na žal, nie z taho boku, adkul chaciełasia b. Ale my hatovyja da lubych viatroŭ. Tym bolš, vyvučajučy ŭ svoj čas historyju našaj dziaržavy, savieckuju historyju (dy i vy taksama viedajecie, što na Biełaruś viatry zaŭsiody dźmuli z roznych bakoŭ).
Admietnaj asablivaściu siońniašniaha etapu źjaŭlajecca toje, što ŭsio ž taki my navučylisia zmahacca z hetymi viatrami i ŭrahanami. Tady my zmahacca nie ŭmieli. Tamu i nie mieli suvierennaj i niezaležnaj dziaržavy», — skazaŭ kiraŭnik Biełarusi.
«Zaŭsiody nas dzialili na častki, dałučali kavałkami to da adnoj ziamli, to da inšaj. Vy viedajecie, što da minułaj vajny my praktyčna byli padzielenyja. Tamu siońnia hetaha dapuścić nielha», — dadaŭ biełaruski kiraŭnik.
