Čerhi, kab padpisacca «suprać Łukašenki». FOTY, VIDEA ź Minska, Viciebska, Bresta, Žłobina, Stoŭbcaŭ, inšych haradoŭ…
Tysiačy ludziej sabralisia siońnia na Kamaroŭcy ŭ Minsku, kab pastavić podpisy za alternatyŭnych kandydataŭ.
Čarha vyciahnułasia pa vulicy Charužaj, płoščy Jakuba Kołasa i vulicy Jakuba Kołasa da vulicy Kulman, choć podpisy prymajuć za Śviatłanu Cichanoŭskuju za 16 stałami, a za Viktara Babaryku — za 11 stałami.
Ludzi pieryjadyčna apładzirujuć mašynam, jakija sihnalać. A taksama skandujuć «Žyvie Biełaruś!», «Stop tarakan», «Łukašienko, uchodi!», «Vypuskaj» i «Svabodu!». Voś videa:
Nahadajem, što videabłohier Siarhiej Cichanoŭski byŭ zatrymany paśla pravakacyi ŭ Hrodnie 29 maja. Siońnia byŭ zatrymany i eks-kandydat u prezidenty Mikałaj Statkievič. Tym nie mienš, adbyvajecca fienamienalnaja samaarhanizacyja ich prychilnikaŭ.
Čytajcie taksama:
Pravakacyja ŭ Hrodnie: AMAP zatrymaŭ Cichanoŭskaha VIDEA
MUS pra zatrymańnie Cichanoŭskaha: zaviedziena kryminalnaja sprava
«Pryjemnaja dziaŭčyna pyšnych form». Identyfikavali pravakatarku z sustrečy ź Cichanoŭskim
Jak śviedčać foty i videa, tysiačy ludziej stajali siońnia ŭ čerhach i ŭ inšych haradach krainy, kab addać podpisy za alternatyŭnych kandydataŭ — a, faktyčna, suprać Alaksandra Łukašenki.
Hladzicie fota i videa tut nižej:
20.15
Pavodle zakanadaŭstva, podpisy za kandydataŭ možna źbirać da 22-j hadziny. Na fota — čarha padpisacca za Cichanoŭskuju kala «Maksimusa» ŭ minskim Sucharavie. U joj, ź pilnym datrymańniem sacyjalnaj dystancyi, staić kala 50 čałaviek.
19.00
Čarha na Kamaroŭcy, narešcie, skončyłasia. Ale asobnyja ludzi jašče padychodziać da padpisnych stałoŭ. Podpisy za alternatyŭnych kandydataŭ siońnia ŭ Minsku źbirali siem hadzin, čarha raściahvałasia na kiłamietr i dasiahała bolš jak dvuch tysiač čałaviek.
17.44
Čarha ŭ Oršy.
15.45
Niahledziačy na toje, što zbor podpisaŭ za Cichanoŭskuju idzie na 16 stałach, za Babaryku — na 11, u čarzie ŭsio jašče staić vielmi mnoha ludziej. Kaniec čarhi zaviartaje z vulicy Charužaj na vulicu Kołasa ŭ bok Kulman i ciahniecca jašče kala sta mietraŭ, paviedamlajuć karespandenty NN.
Zborščyki podpisaŭ, kab paskoryć praces, padychodziać da ludziej u čarzie.
15.36
Nieviadomyja ŭ cyvilnym schapili na prypynku nasuprać Kamaroŭki čałavieka i pasadzili ŭ taniravany mikraaŭtobus.
Na hetym videa bačna, jak, mierkavana, taho samaha čałavieka pierasadžvajuć u inšy mikraaŭtobus u adnym z prylehłych dvaroŭ.
15.21
Kala padpisnych stałoŭ pačaŭsia impravizavany kancert: śpiavajuć rok-chity pad hitaru. Ludzi, čakajučy svajoj čarhi, słuchajuć.
15.00
Na Kamaroŭcy abśvistali siłavikoŭ ź miehafonam, jakija sprabavali kazać, što schod niezakonny.
14.40
Žłobin:
14.18
Ludziej na Kamaroŭcy padtrymlivajuć aŭtamabilisty.
14.10
Čarha ŭ Hrodnie.
13.59
13.55
Zbor podpisaŭ u Lidzie.
13.53
Čarha na Kamaroŭcy, vyhlad źvierchu.
13.44
Čarha ŭ Stoŭbcach.
13.39
Lejtmatyŭ zboru podpisaŭ na Kamaroŭcy, aproč pieśni «Razbury turmy mury» — ruskamoŭnaja «Śvierhniem tarakana!» na matyŭ We will rock you hurta Queen.
13.34
Pa vynikach pahałoŭnaha padliku naziralnikaŭ-viasnoŭcaŭ, na 13.20 u čarzie da zborščykaŭ podpisaŭ na Kamaroŭcy stajała bolš za 2100 čałaviek.
13.32
Hrodna:
Rečyca:
13.26
Čarha ŭ Breście:
13.24
Čarha na Kamaroŭcy vyciahnułasia pa vulicy Charužaj, płoščy Jakuba Kołasa i vulicy Jakuba Kołasa da vulicy Kulman. Ahulnaja jaje daŭžynia składaje kala 920 mietraŭ.
Ludzi pieryjadyčna apładzirujuć mašynam, jakija sihnalać. A taksama skandujuć «Žyvie Biełaruś!», «Stop tarakan», «Łukašienko, uchodi!» i «Vypuskaj».
13.17
Čarha pastavić podpisy ŭ Maładziečnie.
13.11
Na Kamaroŭcy zaŭvažany kandydat u prezidenty-2010 Dźmitryj Us. Jon pryjšoŭ «padtrymać Statkieviča, padtrymać usio žyvoje».
13.04
Čarha da Kamaroŭki vyciahnułasia da roha vulic Kołasa i Kulman.
12.59
Pa darozie da Kamaroŭskaha rynku byŭ zatrymany palityk Mikoła Statkievič.
12.55
Kala tysiačy čałaviek sabralisia ŭ Homieli ŭ padtrymku Cichanoŭskaha. Pryjšła milicyja, papiaredziła, što «Vašy dziejańni padpadajuć pad parušeńnie». Ludzi pačali plaskać u dałoni i skandavać «Hańba».
12.54
Ludzi kala Kamaroŭki patrabujuć vyzvaleńnia Cichanoŭskaha, skandujučy i plaskajučy ŭ ładki. Mašyny sihnalać u znak padtrymki.
12.50
U Mahilovie doŭhaja čarha padpisacca staić pad praliŭnym daždžom.
12.39
Na Kamaroŭcy podpisy za Cichanoŭskuju źbirajuć za 16 stałami, za Babaryku — na 11, za Kazłova — za tryma stałami. Čarha padpisacca staić da płoščy Jakuba Kołasa, u joj bolš jak 1000 čałaviek.
12.37
U Viciebsku sabrałasia vializnaja čarha da zborščykaŭ podpisaŭ, paviedamlajuć Narodnyja naviny Viciebska.
12.31
U Breście pikiety za kandydataŭ stajać kala kinateatra «Biełaruś». Prysutničajuć zborščyki za Cichanoŭskuju, Babaryku, Capkału i Čeračnia. Najbolšaja čarha za Cichanoŭskuju.
12.25
U Breście na płoščy Lenina sabrałasia kala sotni ludziej, kab razam rušyć da miesca zboru podpisaŭ. U Kobrynie, paviedamlaje radyjo «Svaboda», byŭ zatrymany adzin z arhanizataraŭ pa proźviščy Maroz, jaki ranicaj źbiraŭsia jechać u Brest.
12.18
Ustaloŭvajuć stend Viktara Babaryki, skora maje pačacca zbor podpisaŭ i za jaho.
12.13
Čarha achvotnych padpisacca za Cichanoŭskuju zakančvajecca ŭžo kala «Pasaža». Ludzi padjazdžajuć na taksoŭkach i stanoviacca ŭ kaniec čarhi.
12.02
Čarha zachodzić za Dom mebli, u joj užo bolš jak 250 čałaviek. Niepadalok staić pikiet pa zbory podpisaŭ za Andreja Dźmitryjeva. Pobač ź im dva čałavieki.
12.01
Podpisy za Cichanoŭskuju rehistrujuć na piaci stałach, da kožnaha staić asobnaja čarha.
12.00
U čarzie ŭžo bolš za sto čałaviek. Z dynamikaŭ hučyć pieśnia «Razbury turmy mury».
U Minsku kala Kamaroŭskaha rynku, dzie prachodzić pikiet Śviatłany Cichanoŭskaj, staić čarha z achvotnych pastavić podpis za jaje vyłučeńnie.
Palityki Mikoła Statkievič i Pavał Sieviaryniec zaklikali u sacyjalnych sietkach «abaranić Siarhieja Cichanoŭskaha i budučyniu krainy» i dałučacca da lehalnych pikietaŭ Śviatłany Cichanoŭskaj va ŭsich abłasnych centrach a 12-j hadzinie ŭ niadzielu.
U Minsku taki pikiet prachodzić kala Kamaroŭskaha rynku.
Čytajcie taksama:
Pravakacyja ŭ Hrodnie: AMAP zatrymaŭ Cichanoŭskaha VIDEA
«Pryjemnaja dziaŭčyna pyšnych form». Identyfikavali pravakatarku z sustrečy ź Cichanoŭskim
MUS pra zatrymańnie Cichanoŭskaha: zaviedziena kryminalnaja sprava
Hihanckija čerhi vystrojvajucca, kab padpisacca suprać Łukašenki FOTA. Zatrymańnie Cichanoŭskaha dało impuls abjadnańniu alternatyŭnych kandydataŭ
