Ekśpierty: spažyvańnie nafty ŭ śviecie ŭpadzie na tryljon dalaraŭ
Vydatki spažyŭcoŭ na naftu ŭ vyniku karancinnych mier va ŭsim śviecie skarociacca ŭ 2020 hodzie na $1 trłn — da $2,5 trłn, piša Mižnarodnaje enierhietyčnaje ahienctva (MEA) u svajoj spravazdačy pa inviestycyjach u enierhietyku, paviedamlaje tass.ru.
Karanavirus vyklikaŭ biesprecedentnaje padzieńnie inviestycyj u enierhietyku va ŭsim śviecie ŭ pieršaj pałovie 2020 hoda. Jašče da ŭspyški novaj infiekcyi ekśpierty MEA čakali, što ŭkładańni ŭ enierhietyčnym siektary ŭ 2020 hodzie vyrastuć na 2%, što mahło b stać samym prykmietnym rostam inviestycyj z časoŭ kryzisu 2014 hoda. Adnak z-za pandemii inviestycyi ŭpali biesprecedentna, na 20%, ci $400 młrd u paraŭnańni z 2019 hodam.
«Pavodle našych acenak, vydatki spažyŭcoŭ na naftu ŭpaduć bolš jak na 1 trłn dalaraŭ u 2020 hodzie, tady jak pastupleńni ŭ elektraenierhietyčnym siektary źniziacca tolki na $180 młrd, što šmat u čym budzie vyklikana rostam niepłaciažoŭ», — ličać u MEA.
Niepasredna inviestycyi ŭ naftahazavy siektar ŭpaduć na 32%, ci amal na $250 młrd, inviestycyi ŭ vuhalnaj pramysłovaści — na 15%, ci amal na $20 młrd. U cełym suśvietnaja enierhietyka niedaličycca 20% inviestycyj ad uzroŭniu minułaha hoda, jany źniziacca da $1,5 trłn.