Łukašenka anansavaŭ novy ŭrad
Siarhiej Rumas zajmaje pasadu premjera z 18 žniŭnia 2018 hoda
Pra heta jon zajaviŭ siońnia na naradzie z Kačanavaj, Sierhiejenkam, Šejmanam i Ordam.
«My zaŭsiody pierad rehistracyjaj kandydatam dziejučaha prezidenta abviaščali novy skład urada, da vybaraŭ. Heta było pryncypovaje pytańnie. Kab ludzi bačyli, z kim my budziem pracavać. A nie toje, što vybary prajšli, za ciabie prahałasavali, a ty tam svajakoŭ, rodnych, lubimych panapichaŭ u hety ŭrad, a heta hałoŭny vykanaŭčy orhan… Tamu nam treba padrychtavać novy skład urada. Rašyć pa formie, jak budzie farmavacca novy ŭrad da vybaraŭ», — cytuje Łukašenku BIEŁTA.
Kiraŭnik dziaržavy adznačyŭ, što da adpaviednych kadravych pytańniaŭ padstupalisia jašče niekatory čas tamu, kali Administracyju prezidenta ŭznačalvała Natalla Kačanava.
— Pra heta kazali, i vielmi mnohich ministraŭ my pryznačyli paŭhoda tamu, i ŭbačyli ich u spravie. I siońnia možam zrabić vysnovu, ci mohuć jany pracavać u novym ŭradzie abo nie mohuć. Tamu nastaŭ čas, kab jašče raz zirnuć na ŭrad, vyšejšych słužbovych asob, jakija ŭ nas jość, i pa ich taksama prymać rašeńni. Ci my ź imi pracujem, abo pieramiaščajem na novuju pracu, — adznačyŭ Łukašenka.
— Ale pavinien skazać, što pa vialikim rachunku ja nie maju pretenzij ni da adnaho z hetych ludziej. Ale, zrazumieła, žyćcio idzie, i pieramieny hetyja pavinny być. Tamu hetaje pytańnie, Ihar Piatrovič (kiraŭnik Administracyi prezidenta Ihar Sierhiejenka), vaša. Vaźmicie ŭsiu infarmacyju ŭ Natalli Ivanaŭny (Kačanavaj). Paŭhoda tamu my dajšli da kožnaha čałavieka i prapracavali hetyja pytańni. Dzieści adbyłasia zamiena, a dzieści my adkłali voś na hety pieryjad, — daručyŭ Łukašenka.
— Nichto z čalcoŭ urada nie pavinien ni kryŭdzicca, ni napružvacca. Ja ŭpeŭnieny, što pieravažnaja bolšaść ciapier dziejučych členaŭ urada zastanucca na svaich pasadach. Ciapier treba prosta ekzamien zdavać. Kali ŭsie zdaduć — kali łaska. Tamu treba varušycca, ale nie mitusicca, — padkreśliŭ jon.
