U Viciebsku adrapartavali ab viartańni balnicy da zvyčajnaha režymu pracy — ciapier jaje korpus iznoŭ addali pad pnieŭmanii
Z pačatku krasavika miedyki niefrałahičnaha adździaleńnia Viciebskaj abłasnoj balnicy razam z urałahičnymi pacyjentami byli pieraviedzieny ŭ asnoŭny korpus balnicy, u śpiecyjalizavany pačali zvozić chvorych na pnieŭmanii — častka chirurhaŭ zastałasia lačyć karanavirus.
Ilustracyjnaje fota Nadziei Bužan.
Na minułym tydni, 19 maja, ułady i ŚMI adrapartavali ab tym, što niefrałahičny korpus vyzvalajecca ad pnieŭmanij i tudy viartajucca miedyki i pacyjenty zvykłaha profilu.
Ale ŭžo 23 maja stała viadoma, što daktary razam z pacyjentami znoŭ viartajucca ŭ asnoŭny korpus, a niefrałahičny znoŭ zakładvajuć pnieŭmanijami.
«Heta pieršapačatkova vyhladała hłupstvam, bo ŭ niefrałahičnym korpusie reanimacyja zakładzienaja kavidnymi, i što — čystych chvorych paśla apieracyj kłaści da ich? Ci vieźci paśla apieracyi ŭ reanimacyju asnoŭnaha korpusa? — aburajucca miedyki, znajomyja ź situacyjaj. — Heta vyhladaje žadańniem dahadzić vyšejšamu kiraŭnictvu, chacia było b łahičniej, kali i nasamreč nazirajecca niejkaje «płato», panazirać jaki tydzień za kolkaściu ludziej, a nie rabić chutkija vysnovy i haniać tudy-siudy miedykaŭ, pacyjentaŭ i apieracyjnuju».
Sanitarnym transpartam pieravoziać «čystych» chvorych, bryhadami chutkaj dapamohi — ludziej z kavidam.
