Minčanka chacieła vykraści kaśmietyku na administratyŭku, ale praličyłasia z koštam cieniaŭ dla paviekaŭ
Milicyja zatrymała minčanku, jakaja skrała kaśmietyku z kramy. Jana sprabavała raźličyć sumu škody, kab nie patrapić pad kryminałku, ale trochi praličyłasia. Pra heta paviedamlaje HUUS Minharvykankama.
31-hadovaja minčanka vyniesła z kramy kala 10 kaśmietyčnych vyrabaŭ — jaje zatrymała milicyja.
Zatrymanaja patłumačyła, što płanavała vykraści kaśmietyku na sumu da 10 bazavych vieličyń (270 biełaruskich rubloŭ). Tak suprać jaje nie zmahli b raspačać kryminalnaj spravy ŭ vypadku zatrymańnia. Ale nie raźličyła košt cieniaŭ dla paviekaŭ, u vyniku pierabrała «limit». Škoda kramie skłała 296 rubloŭ — a heta ŭžo kryminalnaja sprava.
Cieni, słoički z kremam i łaki dla paznohciaŭ žančyna schavała ŭ kišeni kurtki i štanoŭ, a potym pradała na najbližejšym rynku za pałovu cany.
Raniej jaje ŭžo pryciahvali da kryminalnaj adkaznaści za anałahičnyja złačynstvy.
