Jarmošyna: Pasiadžeńni vybarčych kamisij buduć prachodzić biez naziralnikaŭ i pradstaŭnikoŭ partyj
Prezidenckija vybary 2020 hoda buduć prachodzić u vielmi asablivych umovach. Pra heta zajaviła siońnia ŭ parłamiencie staršynia CVK Lidzija Jarmošyna, pieradaje BIEŁTA.
Kiraŭnik Centrvybarkama adznačyła, što praz pandemiju karanavirusa «hetaja vybarčaja kampanija budzie prachodzić u vielmi asablivych umovach». «Jana budzie vielmi rezka adroźnivacca ad kampanij pa vybarach prezidenta, jakija prachodzili raniej», — skazała Lidzija Jarmošyna.
Źmieny zakranuć usich udzielnikaŭ kampanii. Naprykład, zborščykaŭ podpisaŭ abaviažuć vykonvać rekamiendacyi Ministerstva achovy zdaroŭja, ŭsich ich pavinny zabiaśpiečyć srodkami indyvidualnaj abarony.
Pasiadžeńni abłasnych, rajonnych, haradskich vykanaŭčych kamitetaŭ pry razhladzie pytańniaŭ, źviazanych z vybarami, buduć prachodzić biez naziralnikaŭ, pradstaŭnikoŭ partyj, hramadskich abjadnańniaŭ. «Pry hetym vykanaŭčyja orhany pavinny na svaich staronkach u internecie vykładvać strym z takich pasiadžeńniaŭ albo zapis, kab usie zacikaŭlenyja mahli ich pahladzieć», — udakładniła Lidzija Jarmošyna.