Hałoŭnym ideołaham Hrodna pryznačyli čałavieka z KDB
Načalnikam Hałoŭnaha ŭpraŭleńnia ideałahičnaj raboty i pa spravach moładzi Hrodzienskaha abłvykankama pryznačany Ihar Michajłavič Bułaŭka, paviedamlaje «Hrodzienskaja praŭda».
Zvyčajna hazieta piša pra čynoŭnikaŭ vykankama kudy bolš, a ŭ hety raz abmiežavałasia tolki adnym radkom, źviartaje ŭvahu hrodzienski resurs s13.ru. Vierahodna, sprava ŭ tym, što pra Ihara Michajłaviča ŭ sietcy nie tak šmat infarmacyi. Naprykład, u sakaviku 2019 hoda hazieta pisała pra pasiadžeńnie abłasnoha kaardynacyjnaha savieta subjektaŭ prafiłaktyki i kamisii pa spravach niepaŭnaletnich abłvykankama. Na im vystupiŭ tady jašče načalnik adździeła abarony kanstytucyjnaha ładu i baraćby z teraryzmam Upraŭleńnia KDB pa Hrodzienskaj vobłaści Ihar Bułaŭka.
16 sakavika Alaksandr Łukašenka daŭ zhodu na pryznačeńnie byłoha načalnika Hałoŭnaha ŭpraŭleńnia ideałahičnaj raboty i pa spravach moładzi Hrodzienskaha abłvykankama Alaksandra Viarsockaha staršynioj Śvisłackaha rajvykankama.