Karanavirus u biełaruskim vojsku: adzin aficer na ŠVŁ
U Minabarony paviedamlajuć, što absalutnaja bolšaść vajskoŭcaŭ, jakija zachvareli, — u zdavalniajučym stanie. Jak stała viadoma Svabodzie, rodnyja adnaho z aficeraŭ biełaruskaj armii šukajuć donara plazmy kryvi, jaki pierachvareŭ na COVID-19. Jany nia stali kamentavać sytuacyju žurnalistam.
U Centry transfuzijalohii i medyčnych technalohij Svabodzie paviedamili, što pryniać plazmu kryvi dla kankretnaha chvoraha mohuć tolki ŭ tym vypadku, kali donaram vystupaje jaho rodny. Usim inšym donaram prapanoŭvajuć zdavać plazmu dobraachvotna. Rašeńnie, kamu jana patrebnaja ŭ pieršuju čarhu, prymaje lekar, jaki sočyć za stanam pacyjenta.
U Ministerstvie abarony Biełarusi Svabodzie paviedamili, što patrebu ŭ štučnaj ventylacyi lohkich na dadzieny momant maje adzin aficer.
«Na minułym tydni my padavali infarmacyju ab tym, što ŭ niekalkich specyjalistaŭ Vajskovaj akademii test na karanavirus daŭ stanoŭčy vynik, — paviedamiła pradstaŭnica Minabarony Natalla Haŭrusik. — Da taho momantu hetyja supracoŭniki ŭžo znachodzilisia doma na samaizalacyi praz padvyšanuju temperaturu i inšyja symptomy, jany ŭžo niejki čas nie chadzili na pracu.
Siarod kursantaŭ Vajskovaj akademii infikavanych COVID-19 niama. Absalutnaja bolšaść vajskoŭcaŭ z SOVID-19 znachodziacca ŭ zdavalniajučym stanie i iduć na papraŭku. U padtrymcy ŠVŁ ciapier maje patrebu tolki adzin aficer».
Taksama ŭ Minabarony adznačyli, što siarod vajskoŭcaŭ terminovaj słužby niama nivodnaha čałavieka ŭ ciažkim stanie. Vajskoviec ź Piečaŭ, jaki niekatory čas byŭ na ŠVŁ, užo dychaje samastojna.
