«My nie možam admianić parad. Tysiačy ludziej chočuć, kab hetaje mierapryjemstva prajšło» — Łukašenka
Alaksandr Łukašenka zajaviŭ, što parad u honar 75-hodździa Pieramohi adbudziecca. Pra heta jon zajaviŭ siońnia na naradzie, pieradaje BiełTA.
Fota Nadziei Bužan.
«Pavinien skazać, što my nie možam admianić parad. Prosta nie možam. Ja doŭha nad hetym dumaŭ. Viadoma, heta emacyjnaja, hłyboka ideałahičnaja reč. Treba pamiatać, što tyja ludzi pamirali, moža być, i ad virusaŭ, inšych chvarob. Ale jany heta nie adčuvali časam i pra heta nie dumali. I pamirali jany dziela nas, jak by heta pafasna ni hučała. I padumajcie, što skažuć ludzi. Moža, nie adrazu, praź dzień, praz dva paśla hetaha, — skažuć, što spužalisia», — zajaviŭ kiraŭnik dziaržavy.
Pry hetym Alaksandr Łukašenka papiaredziŭ arhanizataraŭ, što kali budzie pryniata hetaja prapanova, to «nikoha ciahnuć na hetaje mierapryjemstva nie treba». «Nie chočuć ludzi, bajacca, bierahuć zdaroŭje — my heta zrazumiejem. Dastatkova siońnia žadajučych — tysiačy i tysiačy ludziej chočuć, kab hetaje mierapryjemstva prajšło», — padkreśliŭ Łukašenka.
Alaksandr Łukašenka raskazaŭ, što siarod žadajučych naviedać parad jość i vieterany Uzbrojenych Sił. «Udzielnikaŭ vajny zastałosia zusim niašmat. Jany razumiejuć, i my pavinny ich źbierahčy. Choć jany i pieršymi zapatrabavali, kab ich pryvieźli na hetaje mierapryjemstva. Zrazumieła, što im užo za 90. Padumajem, jak ź imi być. Ja prytrymlivajusia svajoj taktyki — starych treba pabierahčy. My ŭsie bačym, što ŭsie hetyja infiekcyi pierš za ŭsio čaplajucca za starych, choć chvarejuć i maładyja. Tamu nikoha na heta masavaje mierapryjemstva ciahnuć nie treba», — skazaŭ Łukašenka.
Łukašenka ŭpeŭnieny, što parad — heta nie samaje niebiaśpiečnaje z punktu hledžańnia epidemijołahaŭ i virusołahaŭ mierapryjemstva.
Apytanka
