Nad Arktykaj začyniłasia hihanckaja azonavaja dzirka
U krasaviku nad Arktykaj začyniłasia asabliva bujnaja azonavaja dzirka, paviedamiła pres-słužba Suśvietnaj mietearałahičnaj arhanizacyi (SMA) u piatnicu, 1 maja, paviedamlaje dw.com.
©NOAA Ozone Watch
Aficyjny pradstaŭnik SMA Kłer Nulis na bryfinhu ŭ Ženievie 1 maja patłumačyła, što viasnoj biahučaha hoda źniasileńnie azonavaha płasta dasiahnuła rekordnych uzroŭniaŭ praz spałučeńnie dvuch faktaraŭ.
«Pieršy — zachavańnie ŭ atmaśfiery rečyvaŭ, jakija źniasilvajuć azonavy płast», a druhi — mietearałahičnyja ŭmovy. Sioleta ŭ strataśfiery ŭ nas była vielmi chałodnaja zima. Ciapier situacyja viarnułasia ŭ narmalnaje rečyšča, i dzirka začyniłasia», — zajaviła Nulis.
Na pytańnie, ci było źviazana zakryćcio azonavaj dzirki z pamianšeńniem uzroŭniu zabrudžvańnia atmaśfiery padčas pandemii karanavirusa, Nulis adkazała, što jano «nie mieła nijakaha dačynieńnia da COVID».
Pavodle źviestak SMA, viasnoj 2020 hoda azonavaja dzirka nad Arktykaj dasiahnuła «biesprecedentnych pamieraŭ», abyšoŭšy pa svaich habarytach papiaredniaha «rekardsmiena» — azonavuju dzirku, jakaja ŭtvaryłasia nad Arktykaj u 2011 hodzie.