Priorbank vypuściŭ pryładu dla pryjomu apłaty kartami i najaŭnymi
Priorbank pieršym u Biełarusi prapanavaŭ «Prahramnuju kasu» z univiersalnaj pryładaj dla pryjomu apłaty kartkami i najaŭnymi. Jana dazvalaje biźniesu z vyhadaj prapanoŭvać klijentam roznyja sposaby raźlikaŭ.
Novaja technałohija sumiaščaje ŭ sabie niekalki funkcyj. Pryłada adnačasova pracuje jak kasavy aparat, POS-terminał i modul srodka kantrolu padatkovych orhanaŭ (SKPO). Takoje rašeńnie dazvalaje ekanomić na nabyćci, absłuhoŭvańni i abnaŭleńni roznych pryład, a kamisija banka budzie tolki za ekvajrynh biez dadatkovych płaciažoŭ. Taksama možna nie dublavać bieznajaŭnuju ździełku pa karcie na kasie, skaračajučy tym samym čas absłuhoŭvańnia pakupnika.
Technałohija realizavanaja Priorbankam na asnovie ŭłasnaha pracesinhavaha centra. Heta pavyšaje chutkaść raźlikaŭ i zaličeńnia vyručki na rachunak u lubym banku.
Technałohija budzie pašyracca ŭ svaim funkcyjanale. U chutkim časie stanuć dastupnyja dadatkovyja funkcyi, takija jak skanar QR- i štrych-kodaŭ, aŭtamatyzavanaja kasavaja i buchhałtarskaja prahrama, a taksama vykarystańnie vobłačnych sistem uliku tavaraŭ.
«Dla Biełarusi heta absalutna novaja kompleksnaja technałohija. U adroźnieńnie ad inšych padobnych rašeńniaŭ na rynku, prahramnaja kasa jak prymaje da apłaty kartki, tak i viadzie ŭlik najaŭnych. Heta krok u budučyniu i dla pradaŭca, i dla spažyŭca. Funkcyjanał maksimalna šyroki, a pry nieabchodnaści možna zapuskać novyja mahčymaści za košt dadatkaŭ pad AS Android. Sa svajho boku, my harantujem chutkaje rašeńnie niestandartnych zadač i kastamizacyju prapanavanych rašeńniaŭ, infarmacyjnuju i techničnuju padtrymku na ŭsioj terytoryi Biełarusi», — raspaviali ŭ Priorbanku.
