Tramp: ZŠA ŭviaduć myty na impartnuju naftu, kali ŭ APIEK+ nie damoviacca
Złučanyja Štaty hatovyja ŭvieści značnyja myty na impartavanuju naftu, kali situacyja na suśvietnym enierhietyčnym rynku nie narmalizujecca. Pra heta zajaviŭ u niadzielu na bryfinhu dla žurnalistaŭ u Biełym domie prezident ZŠA Donald Tramp, piša tass.ru.
«Ja skarystaju myty, kali pryjdziecca. Nie dumaju, što mnie daviadziecca, tamu što Rasija nie atrymlivaje karyści ad hetaj [situacyi]. I Saudaŭskaja Aravija nie atrymlivaje ad hetaha karyści», — dadaŭ kiraŭnik administracyi ZŠA.
«My ciapier niezaležnyja [ad pastavak enierharesursaŭ z-za miažy], u nas jość ŭłasnaja nafta. I kali b uviali myty, to my b, pa sutnaści, kazali: «My nie chočam [zakuplać] zamiežnuju naftu, nijakuju zamiežnuju naftu, my prosta budziem vykarystoŭvać svaju. I heta dapamahło b vyratavać [amierykanskuju naftazdabyvajučuju] industryju», — ličyć kiraŭnik Biełaha doma.
Jak śćviardžaje Tramp, navat pry ŭviadzieńni ZŠA mytaŭ na impartnuju naftu «cana [na hetuju syravinu] usio roŭna była b vielmi nizkaj».
Akramia taho, Tramp nahadaŭ, što ZŠA ciapier kuplajuć naftu dla dziaržaŭnaha stratehičnaha reziervu, karystajučysia nizkimi cenami na jaje, dajuć svaim pryvatnym kampanijam mahčymaść časova karystacca hetymi schoviščami ŭ salanych płastach u štatach Techas i Łuizijana.
Pavodle źviestak ahienctva Reuters, na uviadzieńni mytaŭ na impartnuju syruju naftu nastojvali padčas sustrečy z Trampam kiraŭniki šerahu najbujniejšych amierykanskich enierhietyčnych kampanij.
Pavodle infarmacyi TASS narada APIEK+ pa stabilizacyi naftavaha rynku projdzie 9 krasavika ŭ farmacie videakanfierencyi.