Parad Pieramohi ŭ Maskvie mohuć pieranieści na vosień
Z-za raspaŭsiudu karanavirusa rasijskija ŭłady razhladajuć niekalki scenaryjaŭ praviadzieńnia parada Pieramohi, raspaviali RBK dźvie krynicy, blizkija da Minabarony, i paćvierdziła krynica, blizkaja da administracyi prezidenta.
U jakaści asnoŭnych surazmoŭcy RBK vyłučajuć dva varyjanty.
— Pieranos parada na vosień i praviadzieńnie jaho ŭ poŭnafarmatnym režymie.
Havorka idzie pra toje, kab prymierkavać parad da zakančeńnia Druhoj suśvietnaj vajny. Z 2010 hoda ŭ Rasii, jak i va ŭsim śviecie, hetaja data adznačałasia 2 vieraśnia. Adnak 1 krasavika Dziaržduma pryniała ŭ pieršym čytańni zakonaprajekt, zhodna ź jakim dzień zakančeńnia Druhoj suśvietnaj vajny pieranosicca na 3 vieraśnia.
— Praviadzieńnie parada Pieramohi 9 maja «biez trybun», heta značyć biez hledačoŭ.
Raniej anłajn-vydańnie «Adkrytyja miedyja» taksama paviedamlała, što Minabarony i maskoŭskaja meryja abmiarkoŭvajuć varyjant praviadzieńnia parada Pieramohi biez hledačoŭ.
Taksama razhladajecca pieranos uračystaści na pačatak listapada. 7 listapada 1941 hoda, u razhar bitvy za Maskvu, prajšoŭ vajenny parad, na jakim prysutničaŭ asabista Iosif Stalin. Parad mieŭ vialikaje histaryčnaje značeńnie i ličyŭsia važnaj vajennaj apieracyjaj.
U minułuju piatnicu Alaksandr Łukašenka zajaviŭ, što pajedzie ŭ Maskvu na parad Pieramohi.
«U mianie časta pytajucca: «A vy pajedziecie na parad u Maskvu?» Viadoma. Kali ŭžo ź Biełarusi nichto nie pryjedzie ŭ Maskvu, to chto ž tady pajedzie», — skazaŭ biełaruski kiraŭnik rabočym «Biełhipsa».
Łukašenka taksama zajaviŭ, što Biełaruś nie budzie admianiać mierapryjemstvy da 75-hodździa Pieramohi, i jany projduć na vysokim uzroŭni. Parad u Minsku projdzie viečaram 9 maja.
