Prezident Litvy: Nielha daviarać aficyjnaj infarmacyi ź Biełarusi pra karanavirus. Situacyja tam značna horšaja
Fota Nadziei Bužan
Prezident Litvy Hitanas Naŭsieda zajaviŭ, što nielha daviarać aficyjnaj infarmacyi Biełarusi pra karanavirus, situacyja tam značna horšaja, piša Delfi.lt.
«My nie možam daviarać hetaj infarmacyi, jakuju atrymlivajem aficyjna ź Biełarusi, pakolki ja liču, što biełaruski kiraŭnik aceńvaje situacyju z peŭnaj bravadaj», — zajaviŭ u sieradu žurnalistam kiraŭnik litoŭskaj dziaržavy ŭ Ministerstvie achovy zdaroŭja.
«Całkam mahčyma, što sapraŭdnaja statystyka značna horšaja, pakolki my viedajem pra peŭnyja ačahi na biełaruskaj terytoryi i vypadki śmierci», — skazaŭ jon.
Pra toje, što kiravańnie karanavirusam u Biełarusi nie źjaŭlajecca dobrym, u aŭtorak u sojmie akcentavaŭ i ministr zamiežnych spraŭ Litvy Linas Linkiavičus, jon taksama skazaŭ, što razhladajecca mahčymaść abmiežavać avijarejsy ź Minska ŭ Vilniu.
Pavodle słoŭ Naŭsiedy, varta abmiežavać kantakty z krainaj, jakaja nie kantraluje situacyju, kali ryzyka sapraŭdy adčuvalnaja.
«Ja liču, što zaŭvaha spadara Linkiavičusa zusim svoječasovaja, i kali heta ryzyka sapraŭdy adčuvalnaja, my pavinny abmiežavać lubyja kantakty z krainaj, jakaja ŭ dadzieny momant trochi zanadta rassłablena aceńvaje ŭspyšku karanavirusa, i mahčyma, što ŭ suviazi z hetym jaje čakajuć ciažkija nastupstvy», — śćviardžaje H. Naŭsieda.
