U Kijevie sprahnazavali, kali kraina zmoža viarnucca da narmalnaha žyćcia
UNIAN
Ukraina moža viarnucca da «narmalnaha žyćcia» nie raniej za siaredzinu maja, napisaŭ ministr unutranych spraŭ Arsien Avakaŭ u fejsbuku.
«Moj punkt hledžańnia ŭ tym, što kraina pačnie viartacca da narmalnaha žyćcia nie raniej za 15 maja. I heta mierkavańnie aptymista», — napisaŭ ministr unutranych spraŭ.
U toj ža čas jon adznačyŭ, što heta tolki jaho prahnoz, i dakładnaj daty zaviaršeńnia karancina va Ukrainie nichto nie viedaje.
«Nichto ŭ našaj krainie nie viedaje, kali skončycca epidemija i budzie źniaty karancin, i chto skaža, što viedaje, — chłuśnia. Usio budzie zaležać ad situacyi.
Jon taksama spadziajecca, što rańniaje, u paraŭnańni z mnohimi inšymi krainami, uviadzieńnie abmiežavalnych mier va Ukrainie pavinna vyratavać ukraincaŭ ad najhoršaha.
«Kali ja maju racyju, praklony suprać ułady za niepryjemnyja adčuvańni kali-niebudź buduć źmienieny razumieńniem taho, što my zrabili ŭsio, nakolki heta mahčyma, pravilna».