Netflix i YouTube časova źnižajuć jakaść videa. Praz karanavirus
Stryminhavy servis Netflix abviaściŭ, što panižaje jakaść svaich tranślacyj u Jeŭropie na najbližejšyja 30 dzion, kab źnizić nahruzku na internet-pravajdaraŭ, piša BBC.
Kolkaść karystalnikaŭ Netflix šmatrazova ŭzrasła ŭ suviazi z tym, što miljony ludziej u jeŭrapiejskich krainach siadziać u samaizalacyi z-za epidemii karanavirusa.
Pradstaŭniki servisu kažuć, što panižeńnie jakaści pamienšyć abjomy spažyvanaha trafiku na 25%, pry hetym hledačy asablivaj roźnicy nie zaŭvažać.
Technična heta adbudziecca za košt panižeńnia jakaści videastrumienia (bitrejtu). Čym vyšejšy bitrejt, tym lepšaja jakaść huku abo vyjavy, ale i bolšy abjom fajła.
Pra svajo rašeńnie Netflix abviaściŭ paśla kansultacyi z kiraŭnikami šerahu jeŭrapiejskich struktur.
Heta dapamoža zabiaśpiečyć bolš jakasnuju pracu internetu na ŭvieś pieryjad kryzisu, źviazanaha z Covid-19.
Jak paviedamlałasia, videachostynh YouTube taksama zajaviŭ ab rašeńni pastupicca jakaściu vyjavy ŭ ahulnych intaresach.
U ahladnaj budučyni ŭsie videa na YouTube pa zmoŭčańni buduć tranślavacca ŭ standartnaj jakaści.
Nahruzka na internet-pravajdaraŭ va ŭsim śviecie značna ŭzrasła paśla taho, jak mnohija kampanii pierajšli na dystancyjnuju pracu i ludzi amal pierastali vychodzić z domu.