Anhlijskamu futbołu praciahnuli karancin da 30 krasavika

Karancin, jaki raspaŭsiudžvajecca na ŭsie futbolnyja turniry ŭ Anhlii, padoŭžany da 30 krasavika. Pra heta havorycca ŭ abjadnanym zvarocie Futbolnaj asacyjacyi (FA), Anhlijskaj premjer-lihi (APŁ) i Anhlijskaj futbolnaj lihi (EFL).

Adznačajecca, što pa praviłach FA futbolny siezon pavinien być zavieršany da 1 červienia, adnak kiraŭnictva vyrašyła padoŭžyć jaho. Heta dazvoliła pierapynić rozyhryšy premjer-lihi i nižejšych dyvizijonaŭ čempijanatu na bolšy čas.

Pieršapačatkova paviedamlałasia, što praviadzieńnie matčaŭ va ŭsich turnirach było adkładziena jak minimum da 4 krasavika z-za raspaŭsiudžvańnia karanavirusa.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0