Na Kanarach sotniam turystaŭ zabaranili pakidać hatel: u adnaho z pastajalcaŭ karanavirus
Na vostravie Tenieryfie ŭ archipiełahu Kanarskich vyspaŭ sotniam turystaŭ zabaranili pakidać hatel H10 Costa Adeje Palace. U italjanskaha doktara, jaki pražyvaŭ u im, vyjavili karanavirus, piša bbc.com.
Sam doktar rodam z rehijonu Łambardyja, dzie italjanskaja ŭłada zmahajecca z karanavirusam, pastaviŭšy na karancin niekalki maleńkich haradkoŭ.
Sotniam haściej hatela skazali zastavacca ŭ svaich pakojach na čas praviadzieńnia analizaŭ, paviedamlajuć ispanskija ŚMI.
Havorka idzie pakul pra manitorynh stanu haściej hatela, a nie karancin.
Adzin z haściej hatela ŭ Facebook apublikavaŭ vyjavu cydułki, pakinutaj pad dźviaryma jaho pakoja ŭ aŭtorak.
U joj napisana: «Z sumam paviedamlajem vam, što pa pryčynach, źviazanych z achovaj zdaroŭja, hatel začynili. Pakul sanitarnyja orhany nie paviedamiać, vy majecie zastavacca ŭ svaich pakojach».
Palicyjanty nie dajuć ludziam vychodzić z hatela, paviedamlajuć ispanskija ŚMI.
Adzin hość paźniej skazaŭ Bi-bi-si, što ludziam ciapier dazvalajuć pierasoŭvacca pa hateli.
