«Heta skulptura ŭ pryvatnym dvary». Chto dazvoliŭ ustalavać pomnik sierbskamu biznesmienu na vulicy Staniuty?
Pomnik zasnavalniku Dana Holdings Sretenu Karyču ŭ Miensku
U Ministerstvie kultury i va ŭpraŭleńni kultury Mienharvykankama paviedamili, što nie davali dazvołu na ŭstalavańnie pomnika serbskamu biznesoŭcu Sretenu Karyču na vulicy Stefanii Staniuty ŭ Miensku, piša «Radyjo Svaboda».
U Ministerstvie skazali, što «nijakich rašeńniaŭ na hety kont nie prymali i ŭ hetym vypadku nie patrabavałasia ŭzhadnieńnie ź Ministerstvam kultury». Pavodle ŭpraŭleńnia kultury, «hetaje pytańnie ŭ Mienharyvkankamie nie razhladałasia». Pomnik Sretenu Karyču, zasnavalniku Dana Holdings, ustalavany ŭ katedžnym pasiołku na vulicy Stefanii Staniuty, uvachod na jakuju zvyčajnym hramadzianam zabaronieny.
«Ja prosta ŭ šoku»
Aŭtar skulptury Jarasłaŭ Filipovič skazaŭ, što heta skulptura ŭstalavana za ŭłasnyja hrošy zakazčyka na terytoryi, jakaja naležyć pryvatnaj asobie. Jon vykazaŭsia adnosna nehatyŭnaj reakcyi ŭ siecivie na ŭstalavańnie skulputry.
«Ja naohuł nie razumieju precedenta, što kamu i čamu nie padabajecca. Kali ja pastaŭlu ŭ siabie ŭ aharodzie sadovaha hnomika i niejkamu minaku nie spadabajecca, skaža: čamu jon čyrvony, a nie zialony, prybiary jaho — vam nie padajecca heta dziŭnym? Heta skulptura ŭ pryvatnym dvary».
Jarasłaŭ Filipovič skazaŭ, što heta była pryvatnaja zamova, detali jakoj jon nia moža raskryvać.
«Byli pažadańni zakazčyka. Ja paznajomiŭsia ź bijahrafijaj, svajakami, uličyŭ ich pažadańni i stvaryŭ vobraz. Vyjava z raspaściortymi abdymkami, jon byŭ duša-čałaviek i heta było pažadańnie zakazčyka, nibyta jon sustrakaje svajakoŭ».
Pavodle aŭtara, jamu vielmi niepryjemna toje, što adbyvajecca vakoł ustalavańnia skulptury.
«Ja prosta ŭ šoku», — kaža Jarasłaŭ Filipovič.
Jon kaža, što nia suprać taho, kab u Miensku ŭstalavali pomniki Stefanii Staniucie, Vasilu Bykavu i inšym znakamitaściam.
«A heta ž praściej za ŭsio napisać niedzie ŭ fejsbuku, što skulpturu treba prybrać. Kali chočacie pastavić pobač pomnik Stefanii Staniucie, pastaŭcie, chto ž vam pieraškadžaje. Ale ž heta treba napružvacca, šukać hrošy. Praściej siadzieć na kanapie i padymać niejkuju chvalu».
Na videa vyhladaje, što pomnik Sretenu Karyču ŭstalavany nie ŭ dvary, a mienavita na vulicy.
Na płatformie petitions.by praciahvajecca zbor podpisaŭ pad petycyjaj u Mienharyvkankam z prośbaj patłumačyć, kim inicyjavana ŭstanoŭka «dadzienaha tvora manumentalnaha mastactva» i pryvieści abhruntavańnie nieabchodnaści jaho ŭstanoŭki.
