Na płoščy Niezaležnaści ŭ Minsku źjaviłasia niezvyčajnaje dreva
Jak raspavioŭ Minsk-Navinam namieśnik staršyni Minharvykankama Alaksandr Darachovič, aryhinalny elemient haradskoha dobraŭparadkavańnia tut časova.
— My pastajanna pracujem nad palapšeńniem haradskoha asiarodździa, vyvučajem zamiežny vopyt, ale nie dla taho, kab paŭtaryć, a zatym, kab zrabić lepš. Dreva, što śviecicca, na płoščy Niezaležnaści — prykład ŭkaranieńnia takoha vopytu. Jaho budziem dapracoŭvać. Chočam zrabić tak, kab jano pryciahvała ŭvahu haściej i žycharoŭ stalicy nie tolki ŭ ciomny čas sutak, — adznačyŭ A. Darachovič.
Taksama jon dadaŭ, što mierkavańnie haradžan pa ŭdaskanaleńni elemientu dobraŭparadkavańnia i miescaŭ raźmiaščeńnia takich dreŭ vitajecca. Svaje prapanovy možna adrasavać pradpryjemstvu «Minharśviatło».
Pieršaje dreva «Minharśviatło» zmajstravała svaimi siłami. U dalejšym płanujecca tyražavańnie śvietłavych fihur, udaskanalenych z ulikam mierkavańnia minčan.
