MZS pra płany polskich nacyjanalistaŭ pravieści marš u Hajnaŭcy: Učora Bury, siońnia Łupaška, a što budzie zaŭtra?
Ministerstva zamiežnych spraŭ Biełarusi škaduje z nahody novych płanaŭ pravieści pravaradykalnaje mierapryjemstva — tak zvany marš pamiaci — u polskaj Hajnaŭcy, jakaja źjaŭlajecca miescam kampaktnaha pražyvańnia etničnych biełarusaŭ u Polščy. Pra heta zajaviŭ žurnalistam načalnik upraŭleńnia infarmacyi i ličbavaj dypłamatyi MZS Anatol Hłaz, paviedamlaje BiełTA.
Fota «Radyjo Racyja»
«My nikoli nie budziem abyjakavymi da sprobaŭ apahanić pamiać našych suajčyńnikaŭ, prasłavić vajennych złačyncaŭ, apraŭdać zabojstva mirnych žycharoŭ, spaleńnie viosak i kryvavyja rejdy. Inšych traktovak tut być nie moža», — adznačyŭ Anatol Hłaz.
Pavodle jaho słoŭ, vyklikaje tryvohu pazicyja miascovych uładaŭ, bo sioleta jany vyrašyli nie apratestoŭvać praviadzieńnie pravaradykalnaha maršu, nibyta z pryčyny adsutnaści nadziei damahčysia pazityŭnaha vyniku ŭ polskich realijach.
«Bolš za toje, na damach Biełastoka źjavilisia baniery, jakija prasłaŭlajuć inšaha, tak zvanaha praklataha, sałdata pa mianušcy Łupaška. Jon viadomy karnymi akcyjami ŭ 1944-1945 hadach u vioskach ź biełaruskim i litoŭskim etničnym nasielnictvam. Učora Bury, siońnia Łupaška, a što budzie zaŭtra — apraŭdańnie hienacydu?!» — rytaryčna adznačyŭ aficyjny pradstaŭnik MZS.
Ramuald Rajs u studzieni-lutym 1946 hoda razam ź siabrami svajoj bandy ździejśniŭ na Biełastoččynie masavaje zabojstva mirnych žycharoŭ, u tym liku starych, žančyn i dziaciej, u asnoŭnym etničnych biełarusaŭ pravasłaŭnaha vieravyznańnia.
Zyhmunt Šendzielaž (psieŭdanim Łupaška) taksama adkazny za zabojstva dziasiatkaŭ cyvilnych žycharoŭ u paślavajenny pieryjad.
