MZS Rasii asudziła sproby zachodnich krain i Ukrainy pierapisać vyniki Druhoj suśvietnaj
Fota Dźmitryja Babina
U Ministerstvie zamiežnych spraŭ Rasii raskrytykavali sproby ES, ZŠA, Kanady i Ukrainy pierapisać historyju Druhoj suśvietnaj vajny, pieradaje ria.ru.
U adpaviednym dakładzie viedamstva adznačajecca, što hetyja dziaržavy sprabujuć abialić vajennych złačyncaŭ i ich pamahatych, a ich dziejańni źjaŭlajucca «bluźnierskimi».
Na dumku namieśnika dyrektara departamienta pa humanitarnym supracoŭnictvie i pravach čałavieka MZS RF Ryhora Łukjancava, padobnyja mietady «pryviali da źjaŭleńnia ŭ Jeŭropie i Amierycy pakaleńnia, jakoje nie viedaje praŭdy» pra Vialikuju Ajčynnuju vajnu.
Jon adznačyŭ, što ŭłady taksama pierastajuć dziejničać suprać prajaŭ rasizmu i nieciarpimaści, akramia taho, jany ich apraŭdvajuć. Pradstaŭnik rasijskaha źniešniepalityčnaha viedamstva dadaŭ, što tolki zachavańnie histaryčnaj pamiaci dazvolić praduchilić adradžeńnie ideałohii nacyzmu abo inšych rasisckich idej, jakija pahražajuć asnovam demakratyi i pravam čałavieka.
