Makiej: Imia Tadevuša Kaściuški važna dla Biełarusi, ZŠA, Polščy i Litvy
Imia Tadevuša Kaściuški važna dla Biełarusi, ZŠA, Polščy i Litvy. Pra heta zajaviŭ ministr zamiežnych spraŭ Biełarusi Uładzimir Makiej siońnia na ŭračystym mierapryjemstvie z nahody 274-j hadaviny z dnia naradžeńnia Tadevuša Kaściuški, piša BiełTA.
Fota Nadziei Bužan.
«Naša mierapryjemstva pryśviečana adnamu z samych viadomych i słavutych u śviecie ŭradžencaŭ Biełarusi Tadevušu Kaściušku, imia jakoha važna dla Biełarusi, ZŠA, Polščy i, z ulikam histaryčnaha kantekstu, Litvy. Nas pryciahvaje ŭ Kaściušku nievierahodny razmach jaho asoby», — skazaŭ Uładzimir Makiej.
«Paŭsiudna Tadevuš Kaściuška pakinuŭ pa sabie hłyboki i niezabyŭny śled», — pierakanany kiraŭnik biełaruskaha MZS.
Jak adznačyŭ Uładzimir Makiej, zasłuhi Tadevuša Kaściuški byli vysoka acenieny jašče pry žyćci. Jon atrymaŭ hanarovaje amierykanskaje i francuzskaje hramadzianstva. Atrymlivaŭ taksama ščodryja hrašovyja i ziamielnyja padarunki, u tym liku ad kanhresu ZŠA, brytanskaha parłamienta, uradaŭ Šviecyi i Francyi, rasijskaha impieratara Paŭła I.
«Vychadziec z terytoryi siońniašniaj Bresckaj vobłaści Tadevuš Kaściuška ŭ pramym sensie słova zakłaŭ kamień u padmurak adnoj z samych pavažanych u vajennaj śfiery navučalnych ustanoŭ — Vajennaj akademii ZŠA ŭ Vest-Pojncie. Darečy, na dniach u Biełarusi ź vizitam znachodziŭsia adzin z byłych studentaŭ hetaj akademii, dziaržaŭny sakratar ZŠA Majkł Pampiea, ź jakim była razmova ab nieabchodnaści dalejšaha raźvićcia dvuchbakovych adnosin. Jon taksama skazaŭ, što kožny ŭ akademii viedaje imia Tadevuša Kaściuški. Siońniašniaje mierapryjemstva šmat u čym źjaŭlajecca jarkim praciaham hetaha vizitu.
Ministr zamiežnych spraŭ Biełarusi źviarnuŭ uvahu, što jość roznyja mierkavańni datyčna dziejnaści Tadevuša Kaściuški, jak, darečy, kožnaj vyklučnaj asoby ŭ historyi. «Ale, niahledziačy na nieadnaznačnaść acenak fihury Kaściuški, nie stavicca pad sumnieŭ vieličynia jaho ŭździejańnia na ludziej i chod histaryčnych padziej», — zajaviŭ Uładzimir Makiej.
Kiraŭnik źniešniepalityčnaha viedamstva taksama zajaviŭ, što Biełaruś z pavahaj stavicca da ahulnaj historyi, navat kali ŭ joj jość sprečnyja staronki. Nie treba dzialić, kamu bolš — Biełarusi, Litvie, Polščy, ZŠA ci navat Šviejcaryi abo Francyi naležyć imia Kaściuški», — ličyć ministr.
