Surok Fił pradkazaŭ rańniuju viasnu ŭ Amierycy
Amierykanski «narodny mietearołah» surok Fił ź miastečka Panksatoni ŭ štacie Piensilvanija pradkazaŭ u niadzielu, što viasna ŭ hetym hodzie ŭ Amierycy nastupić rana, piša TASS.
GROUNDHOG PREDICTION: EARLY SPRING
Punxsutawney Phil did not see his shadow! Let's hope his 39% accuracy rate increases with this forecast. #groundhogday@WTHRcompic.twitter.com/gWIkQkNQPk
Piacikiłahramovaha surka dastali ranicaj sa svajoj nary na ŭzhorku Hobler-Nob. Zhodna z narodnym pavierjem, kali surok pałochajecca svajho cieniu i chavajecca ŭ naru, to zima budzie doŭžycca jašče paŭtara miesiaca. Kali ž nadvorje vobłačnaje i Fił nie bačyć svajho cieniu, to čakajecca rańni prychod viasny.
«Raz cieniu niama, viasna nastanie rana», — abviaściŭ adzin z pradstaŭnikoŭ «Kłuba surka», tradycyjna vystupajučy ŭ cylindry i smokinhu ad asoby Fiła i źviartajučysia da niekalkich tysiač čałaviek, jakija sabralisia ŭ Panksatoni. Ranicaj u niadzielu ŭ haradku išoŭ śnieh, tempieratura pavietra była krychu vyšej za nul.
Pa danych Nacyjanalnych centraŭ infarmacyi ab navakolnym asiarodździ ZŠA, za apošnija dziesiać hadoŭ prahnozy Fiła spraŭdzilisia ŭ 40% vypadkaŭ: u 2011, 2013, 2014 i 2016 hadach. U ahulnaj składanaści surok rabiŭ prahnoz u 134-y raz.
A ŭ Minsku 2 lutaha było i soniečna, i pachmurna, i doždž łupiŭ.
