Ministr finansaŭ ZŠA paraiŭ Hrecie Tunbierh spačatku vyvučyć ekanomiku, a potym čytać lekcyi
Ministr finansaŭ ZŠA Styvien Mnučyn krytyčna adazvaŭsia pra 17-hadovuju ekaaktyvistku Hretu Tunbierh, paraiŭšy joj pierad tym, jak čytać lekcyi suśvietnym lidaram, vyvučyć asnovy ekanomiki ŭ kaledžy, paviedamlaje CNN.
Adkazvajučy padčas Suśvietnaha ekanamičnaha forumu na pytańnie pra toje, ci varta Amierycy prysłuchoŭvacca da zaklikaŭ Tunbierh i admovicca ad vykapniovaha paliva, Mnučyn adkazaŭ: «Jana — hałoŭny ekanamist? Chto jana takaja? Ja zabłytaŭsia». Mnučyn dadaŭ, što remarka była žartam.
«Paśla taho, jak jana vyvučyć ekanomiku ŭ kaledžy, jana moža viarnucca i nam rastłumačyć», — skazaŭ ministr.
Mnučyn nazvaŭ pytańni achovy navakolnaha asiarodździa składanymi, uziaŭšy prykład elektramabilaŭ, jakija ličacca mienš škodnymi dla pryrody, ale batarei, jakija vykarystoŭvajuć elektramabili, majuć niehatyŭny ŭpłyŭ na ekałohiju.
