Łukašenka abmierkavaŭ z kiraŭnikom «Raskosmasa» Dźmitryjem Rahozinym sumiesnyja prajekty ŭ kaśmičnaj śfiery
Alaksandr Łukašenka pravioŭ siońnia sustreču z hienieralnym dyrektaram dziaržkarparacyi «Raskosmas» Dźmitryjem Rahozinym. Baki abmierkavali realizacyju sumiesnych biełaruska-rasijskich prajektaŭ u kaśmičnaj śfiery, pieradaje BIEŁTA.
Kiraŭnik dziaržavy prapanavaŭ razhledzieć roznyja napramki biełaruska-rasijskaha supracoŭnictva ŭ kaśmičnaj śfiery, u tym liku ŭ kantekście nacyjanalnych prahram. «U vas prahrama vieličeznaja, i my razhladajem udzieł u joj, my heta nie ŭtojvajem. Šmat było zadum, mnohija realizavanyja. Ale my robim nie toje što pieršyja kroki ŭ kosmasie, a mahčymyja kroki. Darahaja reč, ale raźvićcio kosmasu — adzin z pryjarytetaŭ u nas, bo heta vysokija technałohii», — adznačyŭ Alaksandr Łukašenka.
Asnoŭny kompleks rabot u kaśmičnaj haliny Biełarusi zabiaśpiečvajuć bolš za 20 navukovych i vytvorčych arhanizacyj. U lipieni 2012 hoda na arbitu byŭ vyviedzieny biełaruski spadarožnik, jaki ŭvajšoŭ u skład Biełaruskaj kaśmičnaj sistemy dystancyjnaha zandziravańnia Ziamli.
