Łukašenka raspavioŭ, što narmalna i što nieprymalna ŭ budaŭnictvie žylla
Zajmacca žyllovym budaŭnictvam pavinny pradpryjemstvy, u jakich jość dla hetaha nieabchodnyja resursy. Ab hetym Alaksandr Łukašenka zajaviŭ siońnia na naradzie z kiraŭnictvam Saŭmina, piša BiełTA.
«U nas tyja pradprymalniki, pryvatniki, biźniesmieny, jakija zajmajucca budoŭlaj, asabliva budujuć žyllo (jany prosta rvucca ŭ hetu śfieru), usie stali jak minimum dołaravymi miljanierami. Chutka, va ŭzroście ad 25 da 40 hadoŭ. Usie, chto surjozna zajmaŭsia hetym budaŭnictvam. Paŭstaje pytańnie, adkul taki spryt? Navat Amieryka nie viedała takich tempaŭ, - skazaŭ Alaksandr Łukašenka.
— Paŭstaje pytańnie, adkul tak chutka razbahacieli hetyja ludzi? Dziakuj bohu, što razbahacieli, niama pytańniaŭ. Ale tolki bahacieć treba za svoj košt.
Treba bahacieć za svaju pracu. A nie toje, što, spasyłajučysia na niejkuju rynačnuju ekanomiku, razbahacieli za košt tych, chto kuplaje heta žyllo. Heta nienarmalna».
Jon nahadaŭ ab svaim daŭnišnim daručeńni pa cenaŭtvareńni na budujemaje žyllo. Ekśpierymient Zavoda efiektyŭnych pramysłovych kanstrukcyj pakazaŭ, što zabudoŭščyk moža paśpiachova raźvivacca i pry rentabielnaści ŭ pamiery 5 pracentaŭ. «Ceny narmalnyja, pradpryjemstva nie prapała, nie stratnaje. A mnie tut dakładvajuć, što kali my hetym šlacham pojdziem, buduć vymyvacca niejkija finansavyja srodki i pradpryjemstvy ŭ vyniku prapaduć. Usie vy majecie žyllo, i niadrennaje. Nie zabyvajcie, što jość jašče tyja, chto maje patrebu ŭ žylli, i my pavinny im dapamahać. Naša dapamoha pierš za ŭsio zaklučajecca ŭ tym, kab my dapamahli im pabudavać žyllo pa dastupnych cenach», - padkreśliŭ kiraŭnik dziaržavy.
Alaksandr Łukašenka spytaŭ, čamu inšyja pradpryjemstvy nie mohuć pracavać pry rentabielnaści 5 pracentaŭ. «Nie mohuć — tady niachaj čakajuć u čarzie: što zastaniecca, addadzim im.
My addadzim budavać žyllo tym, chto choča budavać, hruba kažučy, ź piacipracentnaj rentabielnaściu, ź mienšymi zatratami, z bolš nizkimi cenami. My nie budziem adbirać - pryvatnyja, dziaržaŭnyja. Voś cana - u jaje treba ŭkłaścisia. U nas nie bahatyja ludzi, kab płacić dvajnuju canu za žyllo i dapamahać bahačam nabivać kišeni», — adznačyŭ jon.
Kiraŭnik dziaržavy taksama źviarnuŭ uvahu, žyllovym budaŭnictvam pavinny zajmacca pradpryjemstvy, u jakich jość dla hetaha nieabchodnyja resursy. «Heta nienarmalna, kali čałaviek prychodzić z vulicy, ni hrošaj, ni viedaŭ, niedzie kavałak ziamli vyprasiŭ i pačynaje budavać žyllo. U jaho ludzi dla hetaha jość? Niama nikoha. Stoł, taburetka. Pajšoŭ u toj ža trest budaŭničy, jany jamu pabudavali. Jon, ničoha nie robiačy, atrymaŭ dobryja hrošy. Tamu treba davać budavać žyllo tym, to maje vytvorčuju bazu — budaŭničym arhanizacyjam», - padkreśliŭ Alaksandr Łukašenka.
