«Ja viarnu ŭsich zahinułych da blizkich, kab jany mahli pa-ludsku raźvitacca ź imi»: Zialenski vystupiŭ sa zvarotam nakont «Boinha» VIDEA
president.gov.ua
Prezident Ukrainy Uładzimir Zialenski vystupiŭ z aficyjnaj zajavaj nakont katastrofy «Boinha», što raźbiŭsia ranicaj 9 studzienia la Tehieranie. U vyniku katastrofy zahinuli 176 čałaviek.
Jon raspavioŭ, što ŭ asabistaj telefonnaj razmovie prezident Irana Chasan Raŭchani vybačyŭsia za źbity samalot.
«My taksama damovilisia pačać pracavać nad rasšyfroŭkaj dvuch bartavych dyktafonaŭ — «čornych skryń». My damovilisia ab poŭnym pravavym i techničnym supracoŭnictvie, uklučajučy pytańnie kampiensacyi.
My damovilisia, što nichto nie adkrucicca», — skazaŭ Zialenski.
«Urad zabiaśpiečyć finansavuju dapamohu siemjam zahinułym [budzie vypłačana pa 8 300 dalaraŭ — 200 tysiač hryŭniaŭ — NN].
Dziaržava taksama prykładzie ŭsie namahańni, kab atrymać kampiensacyju ad pieravozčyka, strachavych kampanij i Isłamskaj Respubliki Iran», — skazaŭ kiraŭnik Ukrainy.
«Ja zaklikaju ŭsich mižnarodnych partnioraŭ Ukrainy, usiu suśvietnuju supolnaściu być adnym i nastojvać na poŭnym i kančatkovym rasśledavańni ŭsich abstavinaŭ hetaj katastrofy. Usim nam heta treba.
«Bo čałaviek i jaho žyćcio pavinny mieć najbolšuju kaštoŭnaść dla luboha ŭrada, luboj dziaržavy, luboha palityka», — padkreśliŭ Zialenski.
«Ja viarnu ŭsich pamierłych da blizkich, jany zmohuć pa-ludsku raźvitacca ź imi. My šanujem ich pamiać. Usie vinavatyja buduć pakaranyja.
My vierniem ukraincam nie tolki pačućcio biaśpieki i spraviadlivaści, ale i pierakanańnie, što Ukraina zaŭsiody budzie abaraniać vas u lubym kutočku płaniety, u jakim vy b ni byli», — reziumavaŭ Zialenski.
