Prezident Irana vybačyŭsia pierad Ukrainaj za źbity samalot
Prezident Irana Chasan Raŭchani ŭ razmovie z prezidentam Zialenskim vykazaŭ spačuvańni ŭkrainskamu narodu i siemjam zahinułych u vyniku krušeńnia samalota MAU. Jon paprasiŭ prabačeńnia ź iranskaha boku za trahiedyju, jakaja zabrała 176 žyćciaŭ, paviedamlaje Bi-bi-si Ukraina sa spasyłkaj na pres-słužbu prezidenta.
Spadar Raŭchani zajaviŭ, što trahiedyja adbyłasia z-za niapravilnych pavodzinaŭ iranskich vajskoŭcaŭ i paabiacaŭ pryciahnuć usich vinavatych da adkaznaści i akazać usiu nieabchodnuju dapamohu ŭkrainskim ekśpiertam.
«Pryznańnie viersii rakiety pryčynaj katastrofy adkryła šlach da dalejšaha rasśledavańnia biez zatrymki i pieraškod», — skazaŭ Uładzimir Zialenski.
U chodzie razmovy jon skazaŭ, što cieły ŭkrainskich hramadzian pavinny być identyfikavany i viernuty va Ukrainu jak maha chutčej.
«Dla nas nadzvyčaj važna, kab na nastupnym tydni — da 19 studzienia — cieły pamierłych byli viernutyja va Ukrainu, kab ich svajaki mahli raźvitacca ź imi», — padkreśliŭ prezident Ukrainy
Fota Ofisa prezidenta Ukrainy
Iran: My źbili ŭkrainski «Boinh» vypadkova
Zialenski pieraličyŭ piać patrabavańniaŭ da Irana
Iranski hienierał: Apieratar nie zdoleŭ źviazacca z kamandavańniem i vyrašyŭ źbić «Boinh»
