Łukašenka: Pa nafcie z prezidentam Rasii nie damovilisia
Łukašenka skarystaŭ cyrymoniju ŭručeńnia premii «Za duchoŭnaje adradžeńnie» dla važnych zajaŭ pa biahučych palityčnych pytańniach.
Fota: BiełTA.
«U dvuch słovach, čamu z prezidentam Rasii nie damovilisia pa nafcie. Tamu što Rasija choča, kab my kupili ŭ jaje naftu pa cenach, vyšejšych za suśvietnuju. Chto pra takoje čuŭ?! Tamu ja i admoviŭsia ad takoj nafty. I prosta zajaviŭ, kali nie budzie pastavak pa suśvietnaj canie z Rasii nafty, my znojdziem hetuju naftu ŭ inšym miescy. Što my i robim. I znajšli», — adznačyŭ Łukašenka.
«Vy zaŭvažyli, što ŭ apošni čas u svaich vystupach ja časta kažu pra suvierenitet i niezaležnaść. Paviercie, heta ad dušy. Tut niama nijakaj chłuśni, tut niama niejkaha majho ŭčynku kab dahadzić kamuści. Ja sapraŭdy prychilnik hetaj idei. I nie prosta addany. Usie prysutnyja tut dobra viedajuć našu historyju. Bo nikoli ŭ žyćci našamu narodu nie davałasia takaja mahčymaść — biez kryvi pabudavać z nula, zastaŭšysia na abłomkach askołkam vielizarnaj impieryi — suvierennaja i niezaležnaja dziaržava», — skazaŭ Łukašenka.
«Ciapier vielmi vostry pieryjad isnavańnia našaj dziaržavy. My idziom nie prosta pa tonkim lodzie abo pa lazie. My idziom i chistajemsia źleva-naprava i nie daj Boh niapravilny krok — my stracim usio. Treba spynić «chistańni» pa mirnych vulicach. Treba spynić usialakija razmovy ab suvierenitecie i niezaležnaści. Treba spynić razmovy ab tym, što chto-niebudź choča zdradzić i zdać Biełaruś. Moža niechta i choča… ale nie pieršy prezident, jaki hetuju krainu budavaŭ!» — dadaŭ kiraŭnik krainy.
