Prapanavana papiaredžvać kiroŭcaŭ pra parušeńni imhniennymi SMS
Pra heta zajaviŭ žurnalistam namieśnik staršyni Pałaty pradstaŭnikoŭ Valeryj Mickievič, paviedamlaje BIEŁTA.
Jon źviarnuŭ uvahu, što vialikaja kolkaść pravaparušeńniaŭ rehistrujecca na darohach z dapamohaj kamier fotafiksacyi.
«Treba vielmi surjozna padumać, jakim čynam harantavać biaśpieku na darohach, kab mienš ździajśniałasia DTZ, ale pry hetym spraścić praceduru, uzmacnić prafiłaktyčny składnik. Naprykład, nie čakać pakul čałaviek nabiare 10-20 parušeńniaŭ.
Vyjechaŭ ź Minska i pry pieršym ža parušeńni (dzieści prajechaŭ na čyrvonaje abo pieravysiŭ chutkaść) atrymaŭ infarmacyju: «Pavažany kiroŭca, vy parušyli Praviły darožnaha ruchu», - pryvioŭ prykład namieśnik staršyni Pałaty pradstaŭnikoŭ.
Prychodzić takija paviedamleńni mohuć mamientalna jak z dapamohaj mabilnych dadatkaŭ, tak i ŭ vyhladzie SMS. Valeryj Mickievič ličyć, što padobny padychod dyscyplinuje kiroŭcaŭ, i ŭ pajezdcy jany buduć bolš uvažliva sačyć za darohaj.
«Ciapier heta na ŭzroŭni prapanovy, idei», - zaŭvažyŭ jon.
