Kiebič vykazaŭsia pra Łukašenku i apazicyju
Były staršynia Savieta ministraŭ Biełarusi i supiernik Łukašenki na prezidenckich vybarach 1994 hoda daŭ intervju prahramie «Kontury» telekanała ANT.
Kiebič razvažaŭ, što dla taho, kab być kandydatam u prezidenty, niedastatkova pra heta prosta zajavić. «Da hetaha pavinien papiaredničać praciahły padrychtoŭčy praces stanaŭleńnia asoby ŭ historyi, kab hetuju asobu ŭbačyli».
«Kandydatury siońnia na pasadu prezidenta Respubliki Biełaruś, akramia Łukašenki, niama», - padsumavaŭ Kiebič.
Taksama Kiebič adznačyŭ, što nijakaj apazicyi ŭ Biełarusi nie isnuje, a «jość tolki hrupa krykunoŭ, jakija navat nie razumiejuć toje, što jany havorać».
Sam 83-hadovy Viačasłaŭ Kiebič nikoli nie byŭ u apazicyi. Paśla parazy na vybarach jon ad 1996 da 2004 hoda byŭ deputatam Pałaty pradstaŭnikoŭ.