Łukašenka panarakaŭ na abyjakavaść miascovych uładaŭ da prablem ludziej
Alaksandr Łukašenka patrabuje źviarnuć uvahu na rabotu sa zvarotami hramadzian. Pra heta jon zajaviŭ siońnia na naradzie z aktyvam Minskaj vobłaści, pieradaje BIEŁTA.
«Pa maim daručeńni Administracyja prezidenta trymaje heta pytańnie na asablivym kantroli. Na žal, da Minskaj vobłaści jość surjoznyja pretenzii. Pa kolkaści i źmieście zvarotaŭ na siońniašni dzień možna skazać, što słužbovyja asoby na miescach nie ŭśviedamlajuć u poŭnaj miery važnaść raboty z nasielnictvam. Tamu i hramadzianie, nie znachodziačy razumieńnia ŭ miascovych orhanach ułady, vymušany šukać spraviadlivaść i abaronu, źviartacca ŭ vyšejstajačyja orhany», — zajaviŭ biełaruski kiraŭnik.
Pavodle jaho słoŭ, zvyš 70 pracentaŭ pytańniaŭ, što pastupajuć ź Minskaj vobłaści ŭ adras kiraŭnika dziaržavy, Administracyi prezidenta, Savieta ministraŭ, Kamiteta dziaržaŭnaha kantrolu, - heta pytańni, jakija mohuć i pavinny svoječasova vyrašacca na miescach.
«Kožny zvarot — heta pakazčyk abyjakavaści miascovych orhanaŭ ułady da prablem ludziej. Vy viedajecie majo staŭleńnie da takich faktaŭ i takich kiraŭnikoŭ», — padkreśliŭ Alaksandr Łukašenka.
