Čarhovy skandał u PEN-Centry: z arhanizacyi vyklučyli Paŭła Ancipava
29 listapada stała viadoma, što ź biełaruskaha PEN-Centra vyklučyli Paŭła Ancipava, jaki ŭ 2013-2019 hadach byŭ pieršym namieśnikam staršyni arhanizacyi.
Pavieł Ancipaŭ
Aficyjnaja farmuloŭka nastupnaja: «Rada Biełaruskaha PEN-centra pryniała rašeńnie ab vyklučeńni jaho z šerahu siabraŭ Biełaruskaha PEN-centra ŭ suviazi sa strataj davieru i niemahčymaściu dalejšaj supracy».
Nahadajem, što jašče ŭ 2016 hodzie Ancipaŭ vypuściŭ knihu, u jakoj davoli rezka prajšoŭsia pa zakuliśsi biełaruskich litaraturnych premij.
Abmiarkoŭvać jahonyja miemuary ŭ sacsietkach i internecie pačali tolki ciapier. Praŭda, pakul nieviadoma ci mienavita jany stali pryčynaj vyklučeńnia, ci ŭ PENie zdaryŭsia niejki inšy skandał.
«Naša Niva» źviazałasia z Paŭłam Ancipavym, ale jon admoviŭsia ad kamientaraŭ.
