Prychilniki Statkieviča z fajerami prajšli pa praśpiekcie Niezaležnaści da CVK
Na płoščy Svabody ŭ Minsku prajšła čarhovaja «Sustreča svabodnych ludziej». Jaje pravodziać «Jeŭrapiejskaja Biełaruś» i kamanda Mikoły Statkieviča ŭ ramkach pieradvybarčaha pikieta kandydatki Aleny Tałstoj.
Udzielniki akcyi rušyli šeściem da płoščy Niezaležnaści, dzie znachodzicca CVK.
Padčas šeścia adbyŭsia incydent. Supracoŭniki ŭ cyvilnym napali na hałavu kałony, vychapili fajer u adnaho z demanstrantaŭ, paškodzili videakamieru karespandentaŭ «Radyjo Svaboda» i zabrali hukaŭzmacnialnik ŭ Jaŭhiena Afnahiela.
Naprykancy akcyi kandydaty ŭ deputaty ad «Jeŭrapiejskaj Biełarusi» spalili svaje paśviedčańni kala budynka CVK. Tym samym jany zaśviedčyli, što zdymajucca z vybaraŭ.
U pikiecie i šeści pryniali ŭdzieł kala 100 čałaviek.
fota Radyjo Svaboda
