80-hadovaha piensijaniera, jaki zajaviŭ pra bombu ŭ samalocie, adpuścili
1 listapada pry pasadcy na rejs «Minsk — Sankt-Pieciarburh» 80-hadovy pasažyr skazaŭ pravadniku, što na borcie samalota zakładziena bomba. Na miesca prybyli sapiory i śledčyja, paviedamleńnie było niepraŭdzivym. Piensijaniera zatrymali i zaviali suprać jaho kryminalnuju spravu. Paśla dopytu mužčynu adpuścili, paviedamlaje Tut.by.
Pa fakcie zaviedama niepraŭdzivaha paviedamleńnia ab niebiaśpiecy raspačata kryminalnaja sprava (č. 1 art. 340 KK), sankcyja artykuła praduhledžvaje pakarańnie ŭ vyhladzie štrafu, abo aryštu, abo abmiežavańnie voli da troch hadoŭ, abo pazbaŭleńnie voli da piaci hadoŭ. Da adkaznaści mužčynu pryciahnuć, kali budzie dakazana, što jon naŭmysna paviedamiŭ ab łžeminiravańni samalota. Akramia taho, ź jaho spahoniać vydatki za prybyćcio apieratyŭnych słužbaŭ i zatrymku vyletu rejsa.
Jak paviedamili ŭ Śledčym kamitecie, z udziełam mužčyny praviedzieny nieabchodnyja śledčyja dziejańni, jon adpuščany. Da jaho ŭžytaja miera pracesualnaha prymusu ŭ vyhladzie abaviazacielstva ab jaŭcy.
