U minskim aeraporcie zaviarnuli samalot u Pieciarburh praz słovy 80-hadovaha pasažyra ab bombie na borcie
U aeraporcie Minska 1 listapada zdaryłasia nadzvyčajnaja situacyja: pry vylecie rejsa «Biełavija» B2 959 u Pieciarburh 80-hadovy pasažyr paviedamiŭ ściuardesie, što na borcie nibyta znachodzicca bomba.
fota Jetphotos.com
Pra heta ŭ svaim telehram-kanale paviedamiŭ žurnalist Arciom Harbacevič.
«Naša Niva» znajšła pasažyrku hetaha rejsa, jana raskazała detali.
«My sieli ŭ samalot i ŭžo pačali razhon, jak raptam samalot pačaŭ tarmazić i razvaročvacca. Kali spynilisia, z kanca sałona vyvieli niejkaha sastarełaha čałavieka. Ja siadzieła napieradzie, zzadu ŭžo pačali šaptacca ab niejkim teraryście, pačałasia panika. Potym usim zahadali pakinuć bort «u metach biaśpieki», na vychadzie ŭžo była milicyja, sabaki. Nas vysadzili i paviali ŭsich znoŭ na dahlad. Niekalki čałaviek admovilisia ad palotu, ale ich viarnuła milicyja, kab taksama dahladzieć. Pa vyniku my vylecieli ŭ rajonie 22 hadzin zamiest mierkavanaha vyletu ŭ 19:10», — raskazała pasažyrka.
Praciah: Na 80-hadovaha łžeminiora zaviali kryminalnuju spravu
