Ziać Radźkova: Varta padumać pra kampiensacyju dziaržavie ad kandydataŭ, jakija zajmajucca łuchtoj
U «Kłubie redaktaraŭ» na «Biełaruś 1» vystupiŭ ziać Alaksandra Radźkova, kolišniaha pieršaha namieśnika kiraŭnika Administracyi prezidenta (2010-2014).
Uładzimir Piarcoŭ uznačalvaje pradstaŭnictva teleradyjokampanii «Mir» u Biełarusi.
Uładzimir Piarcoŭ. Fota BiełTA
«Chacieŭ by skazać pra biaspłatny efirny čas. Voś ujavicie vybary ŭ luboj inšaj zamiežnaj demakratyčnaj krainie, tych ža ZŠA. Tam za kandydatam, kali ty nie bahaty, jak Donald Tramp, stajać łabisckija hrupy, sponsary, miecenaty, jakija płaciać za efiry vielizarnyja hrošy. I ty prychodziš na debaty abo vystupleńnie i pačynaješ zajmacca niejkaj łuchtoj — robiš usio, kab ciabie źniali z efiru, kab sarvać vystup, naŭmysna parušaješ zakon. I što tady tabie ŭ vyniku skažuć sponsary, jakija dajuć hrošy, kab ty pieramoh i łabiravaŭ ich intaresy? A ŭ nas dziaržava marnuje hrošy na hetyja vystupy, na niatanny efirny televizijny i radyjny čas. A niekatoryja pretendenty na mandat robiać usio što zaŭhodna. U tym liku parušajuć zakon. Varta było b padumać pra niejkuju kampiensacyju zatračanych resursaŭ z boku takich kandydataŭ u deputaty, jakija prosta prapalvajuć darahi efirny čas», — padzialiŭsia svaim mierkavańniem Uładzimir Piarcoŭ.
