Studenty z Turkmienistana znajšli ŭ bankamacie čužuju kartačku. I tut pačałosia!
Vypadak apisvaje staličnaja milicyja.
Minčanka zabyłasia ŭ bankamacie kartačku. Praź niejki čas ź jaje prapała 80 rubloŭ. Žančyna źviarnułasia ŭ milicyju.
U vyniku było ŭstanoŭlena, što hrošy źniali dvoje studentaŭ z Turmienistana — 23-hadovy małady čałaviek i jaho 21-hadovaja dziaŭčyna. Jany pryjechali ŭ Biełaruś vučycca.
Kartačku ŭ bankamacie jany vyjavili, kali sprabavali źniać hrošy sa svajoj karty. Adnak, ubačyŭšy, što pobač ź imi nikoha niama — vyrašyli prysvoić jaje sabie.
U vyniku para nabyła: 13 žetonaŭ dla prajezdu ŭ mietrapalitenie, pradukty, navušniki, čachoł, a taksama abied u adnym z restaranaŭ chutkaha charčavańnia. Kab vykarystoŭvać kartu bieź pin-koda, pakupki ździajśnialisia na sumu, jakaja nie pieravyšaje 20 rubloŭ.
Dziejańni fihurantaŭ mohuć być kvalifikavanyja pa č. 2 art. 212 KK (Kradziež šlacham vykarystańnia kampjutarnaj techniki). Sankcyja hetaj častki artykuła praduhledžvaje maksimalnaje pakarańnie ŭ vyhladzie pazbaŭleńnia voli terminam da 5 hadoŭ.
