Miesi pastaviŭ unikalny bambardzirski rekord u Lizie čempijonaŭ
Arhientynski futbalist Lijanel Miesi ŭ składzie «Barsiełony» zabiŭ miač u varoty «Słavii» ŭ matčy Lihi čempijonaŭ i dapamoh kamandzie zdabyć pieramohu. Sustreča ŭ Prazie skončyłasia ź likam 2: 1.
Hoł u Čechii staŭ dla Miesi pieršym u ciapierašniaj Lizie čempijonaŭ. Takim čynam, arhientyniec zabivaje hały ŭ 15 siezonach turniru zapar, što źjaŭlajecca unikalnym dasiahnieńniem, piša rbc.ru sa spasyłkaj na statystyčny partał Opta.
«Słavija» stała ŭžo 33-m supiernikam forvarda ŭ Lizie čempijonaŭ, u varoty jakoha jon zabivaŭ. Pa hetym pakazčyku jon zraŭniaŭsia z Raulem Hansalesam, jakija zaviaršyli karjeru, i Kryšcijanu Ranałdu. Usiaho ŭ aktyvie Miesi pakul 114 hałoŭ u Lizie čempijonaŭ.
Ronałdu, jaki źjaŭlajecca najlepšym bambardziram u historyi samaha prestyžnaha kłubnaha turniru (127 hałoŭ), taksama zabivaŭ u kožnym rozyhryšy, ale jaho pieršy matč pryjšoŭsia na siezon-2006/07. Takim čynam, ŭ partuhalskaha bambardzira na adzin vynikovy hod mienš.