Navukoŭcy raskazali, jak racyjon charčavańnia spryjaŭ źjaŭleńniu maŭleńnia ŭ čałavieka
Navukoŭcy Univiersiteta Bafała pryjšli da vysnovy, što ŭžyvańnie miasa i hatavańnie ježy spryjali raźvićciu maŭleńnia i evalucyi čałavieka, piša Phys.org.
Pa słovach śpiecyjalistaŭ, śpiecyfičny racyjon charčavańnia staražytnych ludziej pryvioŭ da taho, što ślina Homo sapiens adroźnivajecca ad śliny inšych prymataŭ. Jana ŭnikalnaja tym, što bolš vadzianistaja i maje śpiecyfičnuju sumieś białkoŭ.
Akazałasia, što čałaviečaja ślina lepš rasščaplaje kruchmał i zdolnaja madyfikavać tłuščy, adnak horš pienicca.
Hetyja adroźnieńni tłumačacca tym, što małpy jaduć bolš klatčatki i doŭha pieražoŭvajuć, u toj čas jak ludzi hatujuć ježu, što palahčaje pieražoŭvańnie. Vadzianistaja ślina lepš zmočvaje suchuju ježu i palahčaje hłytańnie. Takaja ślina zabiaśpiečvała aptymalnuju vilhotnaść połaści rota ŭ pustynnym klimacie i była važnaj dla raźvićcia čałaviečaha maŭleńnia.
