Biełarusam prapanavali stvarać novyja zimovyja tradycyi
«Lidskaje piva» prapanavała sioleta biełaruskim spažyŭcam dźvie śpiecyjalnyja zimovyja navinki — vostryja piva i kvas. Abodva napoi praciahvajuć šmathadovuju tradycyju kampanii pa vypusku niezvyčajnych hatunkaŭ da pačatku zimovaha siezonu, u rytejle jany buduć dastupnyja da lutaha. Pra heta paviedamlaje telegraf.by.
Lidski kvas «Zimovy» ŭjaŭlaje saboj naturalny kvas bradžeńnia, jaho receptura była raspracavana śpiecyjalna da zimovaha pieryjadu. Kab stvaryć smakavaje adčuvańnie śviata, ciapła i ŭtulnaści, tradycyjny chlebny kvas dapoŭnili ekstraktami višni i karycy, jakija nadajuć jamu fruktova-rezkija notki. «Zimovy» pazicyjanujecca jak samastojny napoj, ale jon dobra padydzie da straŭ śviatočnaha i štodzionnaha stała. Jak i ŭvieś asartymient «Lidskaha kvasu», navinka nie ŭtrymlivaje kansiervantaŭ. Taksama vytvorca pakłapaciŭsia pra zručny farmat dla spažyŭcoŭ, vypuściŭšy navinku ŭ zručnaj tary 0,5 i 1,5 ł.
Akramia «Zimovaha» kvasu «Lidskaje piva» znoŭ paraduje biełarusaŭ siezonnaj sieryjaj piva — «Lidskaje Zimovaje». U minułym hodzie jano było pryhatavana z dadavańniem notak hvaździki, karycy i jadłoŭca. Smak atrymaŭsia adnačasova daŭki, rezki i saładkavy, jaki pieradaje atmaśfieru zimovych śviataŭ. Naturalnyja dabaŭki harmanična padkreślili hłybiniu smaku ciomnaha piva. Spažyŭcy adznačali heta ŭ šmatlikich vodhukach, tamu ŭ hetym siezonie pryniata rašeńnie viarnuć biełarusam ŭpadabany hatunak.
Piva źmiaščaje 5% ałkaholu, maje bahaty ciomny koler (75 EBC), ščylnaść składaje 12,5%. Hety hatunak rekamiendujecca padavać astudžanym krychu nižej za pakajovuju tempieraturu (+12 +14°C). U hetym siezonie akramia šklanoj butelki abjomam 0,5 ł na palicach ŭpieršyniu źjavicca i dadatkovy farmat PET 1 ł.
Dyzajn etykietki abiedźviuch navinak vykanany ŭ adzinym styli. Na karyčnievym fonie raźmieščany siłuety zimovych atrybutaŭ: śniažynki, sumioty, jalinka, śviatočnyja ŭpryhažeńni. Etykietka kvasu dapoŭnienaja kampazicyjaj višni i karycy. Usie elemienty adsyłajuć da atmaśfiery navahodnich śviataŭ.
