Žycharka Smarhoni vypadkova vykinuła ŭ śmietnicu razam z čekam niemałyja hrošy. Jaje šukajuć
Supracoŭniki banka sa Smarhoni prosiać niaŭvažlivuju žančynu viarnucca.
Hetuju historyju «Našaj Nivie» raskazała supracoŭnica banka.
«U paniadziełak, 14 kastryčnika, naša naviedvalnica pieradała mnie hrošy, jakija jana vypadkova znajšła, i skazała, što tolki što padniała ich sa śmietnicy, što staić u banku. My prahledzieli kamiery videanazirańnia i ŭbačyli, što raniej u banku maładaja para z maleńkim dziciem mianiali ŭ akiency zamiežnuju valutu.
I žančyna kinuła ŭ śmietnicu ček razam z hrašyma.
Ahučyć sumu ja vam pakul nie mahu, tamu što haspadary hrošaj tak i nie znajšlisia. Ale mahu skazać, što
hrošy buduć čakać u banku paŭhoda. Paśla čaho, kali ich haspadary nie apomniacca, my ich pieraviadziom na jaki-niebudź dabračynny rachunak», — raskazali «Našaj Nivie» u banku.
